Fitrat pedagogikasi: Qur’oniy tarbiya asoslari va 3 bosqichli model

Qur’on — devordagi bezak emas, balki tirik hayot va tarbiya dasturidir. Inson suv, oziq-ovqat va havoga qanchalik muhtoj bo‘lsa, to‘g‘ri ota-onalik burchini ado etishda ham Qur’onga shunchalik muhtoj. Insonni yaratgan Zot uning ruhiyati, ehtiyoji va tarbiyasini hammadan yaxshi biladi («Yaratgan zot o‘zi bilmasmi?» — Mulk surasi, 14-oyat). 1. “Bismilloh” — yaxshi ota-onalikning boshlanishi Tarbiyani «men qilyapman, o‘zim o‘stirdim» deb bilish — kibr ildizidir. Asl tarbiyachi — Robbil a’lamin. Ota-onaning vazifasi esa faqat sababchi va omonatdor bo‘lishdir. Bola o‘zidan emas, Allohdan ekanini e’tirof etgan ota-ona har bir muammoda o‘zini yeb bitirmaydi, sababini qilib, natijani Parvardigorga havola etadi.